Bank holidays in April 2024: ఏప్రిల్ నెలలో దాదాపు 14 రోజులు బ్యాంకులు మూతపడనున్నాయి. అయితే, రాష్ట్రాల వారీగా ఈ సంఖ్యలో కొద్దిగా తేడాలుంటాయి. రిజర్వ్ బ్యాంక్ ఆఫ్ ఇండియా (ఆర్బిఐ) సెలవుల జాబితా ప్రకారం ఇందులో ఆదివారాలు, రెండవ, నాల్గవ శనివారాలు ఉంటాయి. బ్యాంకుకు వెళ్లే ముందు ఖాతాదారులు బ్యాంకు సెలవుల జాబితాను సరిచూసుకోవడం మంచిది.

ఏప్రిల్ 5, 2024: బాబు జగ్జీవన్ రామ్ జయంతి/ జుమత్-ఉల్-విదాను పురస్కరించుకుని తెలంగాణ, జమ్మూ మరియు శ్రీనగర్ లో బ్యాంకులకు సెలవు.

ఏప్రిల్ 9, 2024: మహారాష్ట్ర, కర్ణాటక, తమిళనాడు, తెలంగాణ, మణిపూర్, గోవా, జమ్మూ, శ్రీనగర్లలో గుడి పడ్వా / ఉగాది పండుగ / సజిబు నాంగ్మపన్బా (చిరోబా) సందర్బంగా బ్యాంకులకు సెలవు.

ఏప్రిల్ 10, లేదా ఏప్రిల్ 11, 2024: రంజాన్-ఈద్ (ఈద్-ఉల్-ఫితర్) బ్యాంకు సెలవు .

ఏప్రిల్ 13, 2024 (రెండవ శనివారం): బోహాగ్ బిహు / చిరోబా / బైసాఖి / బిజూ పండుగ కోసం త్రిపుర, అస్సాం, మణిపూర్, జమ్మూ, శ్రీనగర్లో బ్యాంకులకు సెలవు.

ఏప్రిల్ 15, 2024: అస్సాం, హిమాచల్ ప్రదేశ్లో బ్యాంకులకు సెలవు.

ఏప్రిల్ 16, 2024: శ్రీరామనవమి సందర్భంగా గుజరాత్, మహారాష్ట్ర, మధ్యప్రదేశ్, ఒరిస్సా, చండీగఢ్, ఆంధ్రప్రదేశ్, తెలంగాణ, రాజస్థాన్, ఉత్తరప్రదేశ్, బీహార్, జార్ఖండ్, హిమాచల్ ప్రదేశ్లలో బ్యాంకులకు సెలవు ఉంటుంది.

ఏప్రిల్ 20, 2024: త్రిపురలో బ్యాంకులకు సెలవు.