Nothing Phone 3 : సూపర్ కూల్ ఫీచర్స్తో నథింగ్ ఫోన్ 3.. త్వరలోనే లాంచ్!
via : Hindustantimes
Original Author : Sharath Chitturi
Nothing Phone 3 leaks : లండన్కు చెందిన స్మార్ట్ఫోన్ బ్రాండ్ నథింగ్.. మిడ్ రేంజ్ గ్యాడ్జెట్ మార్కెట్లో మంచి క్రేజ్ సంపాదించుకుంటోంది. కంపెనీ ఇటీవలే తన నాన్ ఫ్లాగ్ షిప్ స్మార్ట్ ఫోన్ నథింగ్ ఫోన్ 2ఏని ప్రకటించింది. ఇప్పుడు, రానున్న నెలల్లో తన థర్డ్ జనరేషన్ నథింగ్ ఫోన్ను లాంచ్ చేయనున్నట్లు రూమర్స్ వెల్లువెత్తుతున్నాయి. నథింగ్ తన ఎక్స్ హ్యాండిల్ ద్వారా కప్ప- బగ్ తో కూడిన ఓ టీజర్ను పంచుకుంది. అంతేకాకుండా నథింగ్ ఫోన్ 3 ధర, ఫీచర్స్కు సంబంధించిన ఫీచర్స్ ఆన్లైన్లో లీక్ అయ్యాయి. ఆ వివరాలను ఇక్కడ చూసేద్దాము..
నథింగ్ ఫోన్ 3 ధర..
91మొబైల్స్ హిందీ నివేదిక ప్రకారం.. కంపెనీ ఫ్లాగ్షిప్ ప్రాడక్ట్ అయిన నథింగ్ ఫోన్ 3 జూలైలో లాంచ్ అయ్యే అవకాశం ఉంది. దీనికితోడు కంపెనీకి చెందిన కొత్త టీజర్ ఇంటర్నెట్లో చక్కర్లు కొడుతోంది. ఇది రాబోయే నథింగ్ ఫోన్ 3 గురించి భారీ బజ్ క్రియేట్ చేస్తోంది. క్వాల్కమ్ కొత్తగా లాంచ్ చేసిన స్నాప్డ్రాగన్ 8ఎస్ జెన్ 3 ప్రాసెసర్ పై ఈ స్మార్ట్ ఫోన్ పనిచేయనుందని తాజా లీక్ వెల్లడించింది. అంతేకాదు.. ఇందులో అనేక సూపర్ కూల్ ఫీచర్స్ ఉంటాయని తెలుస్తోంది.
Nothing Phone 3 launch date in India : అయితే.. ఈ నథింగ్ ఫోన్ 3 గ్యాడ్జెట్ గురించి చాలా తక్కువ సమాచారం ఉన్నప్పటికీ.. ఇండియాలో దీని ధర రూ.40000 నుంచి రూ.50000 మధ్యలో ఉండవచ్చని టాక్ నడుస్తోంది. కంపెనీ ప్రస్తుతం తన ప్రత్యేకమైన డిజైన్- ఆఫర్లతో మిడ్-రేంజ్ సెగ్మెంట్లో కస్టమర్లను ఆకర్షిస్తోంది. కొత్త గ్యాడ్జెట్ కూడా హిట్ అవ్వాలని ఆశిస్తోంది.
Nothing Phone 3 price in India : నథింగ్ ఫోన్.. పలు రకాల జంతువుల నుంచి ప్రేరణ పొందుతూ వస్తోంది. ఫస్ట్ జనరేషన్ ఫోన్ని చిలుకతో టీజ్ చేసింది సంస్థ. నథింగ్ ఫోన్ 2ను ఆక్టోపస్తో ప్రదర్శించారు. నథింగ్ ఫోన్ 3 టీజర్ లో కప్ప, బగ్ ఉండటం కొత్త తరం స్మార్ట్ఫోన్ కోసం ఎదురుచూస్తున్న అభిమానులు, గ్యాడ్జెట్ కొనుగోలుదారుల్లో క్యూరియాసిటీని రేకెత్తిస్తోంది. స్పెసిఫికేషన్లు, డిజైన్, కెమెరా లేదా కొన్ని కొత్త ఏఐ ప్రకటనల పరంగా నథింగ్ ఫోన్ 3లో ఎలాంటి ఫీచర్స్ ఉంటాయో అని ప్రజలు ఆసక్తిగా ఎదురుచూస్తున్నారు. ఈ వివరాలన్నీ తెలియాలంటే కంపెనీ అఫీషియల్ లాంచ్ అయ్యే వరకు వెయిట్ చేయాల్సిందే..
ఇంకో విషయం! హెచ్టీ తెలుగు ఇప్పుడు వాట్సప్ ఛానల్స్లో కూడా అందుబాటులో ఉంది. టెక్నాలజీ ప్రపంచం నుంచి ఎటువంటి అప్డేట్స్ అయినా మీరు మిస్ కాకుండా ఉండటానికి హెచ్టీ తెలుగును అక్కడ అనుసరించండి.